ПЕРСОНАЛИИ  >  Молитвы, акафисты, каноны

Новаго священномученика яви тя Господь, отче Николае. Ты бо во времена гонений безропотно скорби претерпел еси, и верность Святому Православию сохранил еси, и путь пастырского служения благочестно прошел еси даже до дне, в оньже гонителями ят был еси, их же со дерзновением обличил еси, и от них смерть невинную приял еси за Христа, Его же со дерзновением моли спастися душам нашим.

Кондак 1

Избранному от земли Владимирския на пастырское служение, / и двадесять и пять лет на ниве Христовой послужившему, / и в годы гонения на Церковь Русскую мужественно скорби до конца претерпевшему, / и невинную смерть за Христа приявшему составим похвалу; / ты же предстоя в лике новомучеников земли нашея, молися Христу Богу, / да дарует и нам терпение и мужественное стояние в вере Православной, / и да сподобит и нас достигнути Небеснаго Царствия, да зовем ти: // Радуйся, Николае, новый священномучениче, в лике святых Церкви Российская просиявший.

Кондак 2

В памяти твоей прославляем Прославльшаго тя Господа, / даровавшего тебе крепость непобедимую, священномучениче Николае, / двадесять бo и пять лет укрепляемый силою Божиею пастырское служение во дни лютаго гонения на Церковь Русскую благоговейно совершал еси, / и мученическою кончиною веру запечатлел еси, / сего ради зовем ти: / моли Христа Бога спастися нам, // верою и любовию совершающим память твою.